PDF
GAILURRA TXIKI. Txarlazora (933m) igoera Urduñatik

28-01-2024

Txarlazoko igoeran ikuspegi panoramiko ederrak izango ditugu, Gorobel mendilerroko harrizko hormak eta Aiaraldea.

Urduñako tren geltokitik abiatuko gara eta Ama Birjina Zaharraren Santutegi albotik pasatuz mendian gora egingo dugu. GR 284 eta GR 284.1aren seinale zuri eta gorriak jarraituz. Ibilbidearen erdian, San Vitores aterpearen ondotik igaroko gara, eta ia ibilbidearen amaieran Goldetxo iturriko ur garbia edango dugu.

Igoera Antiguako Ama Birjinaren monumentu erraldoian bukatuko da (2or 30min), Txarlazo mendiaren tontorrean (933 m) eta bide beretik itzuliko gara tren geltokira. (1or 30 min)

IKUSI ETA IKASI

  • Antiguako Ama Birkinaren Monumentuak 25 metroko altuera du eta 1903. urtekoa da.
  • Bertatik, bost probintziatako 42 herri ikusten dira: Araba, Bizkaia, Burgos, Gipuzkoa eta Errioxa. Txarlazoko goi-ordokian bat egiten dute Araba, Bizkaia eta Burgoseko mugek.
  • Gorobel mendilerroa dibertsitate ornitologiko handiena duen lekuetako bat da. Besteak beste, sai arrea, sai zuria, eta belatz handia ikus daitezke.

 

METEO EUSKALMET iragarpena, egunero eguneratzen da.

METEO AEMET iragarpena, egunero eguneratzen da.

METEO METEOBLUE iragarpena, egunero eguneratzen da.

Tracka Deskargatu
DATU TEKNIKOAK
Jarduera mota GAILURRA TXIKI. Familientzako irteera
Metatutako desnibela +690 / -690
Luzera 10,8 km
Jardueraren iraupenaren aurreikuspena 3 h (nagusiak) 4h 30' (Gailurra Txiki)
Material tekniko beharrezkoa
  • Jarduerarako eta urte-sasoirako egokiak diren mendiko arropa eta oinetakoak.
  • Edaria eta janaria egun osorako. Iturri bat dago bide hasieran eta bukaeran.
  • Txikiek A4 plastikozko zorro batean eraman dezakete mapa , ibilbibearen datuak kontsultatzeko.
  • Ez ahaztu BARIK txartela , eta irakatsi txikiei erabiltzen.
    		•
    Oharrak METEO [wp-svg-icons icon="cloudy" wrap="span"]Previsión METEO METEOBLUE se actualiza cada día.
    MIDE metodoaren araberako zailtasuna (1=erraza, 5=zaila) Ingurumen-arriskuak 2
    Orientazio-zailtasuna 2
    Ibiltzeko zailtasuna 2
    Ahalegin fisikoa 2

    Ibilbidearen hasiera eta bukaera

    Urduñako tren geltokia (hasiera-amaiera)

    Elkartzeko tokia eta ordua

    2024ko urtarrilaren 28an, domeka. 08:30etan. Gailurraren lokalean, Trauko 27. Mesedez, izan puntualak

    Bertara joateko

    Renfe. Autoak Bilbon utziko ditugu eta garraiobide publikoa erabiliko dugu. Bidaiaz gehiago gozatzeko eta Urduña eta Aiaraldea ezagutzeko.

    AURREIKUSITAKO ORDUTEGIA. JOAN:
  • 08.30 Uribarritik irteera, tren geltokira joateko (20 min)
  • 09:05 Tren irteera . Renfe C3 BILBAO-ABANDOtik , URDUÑAko geltokira (47 min)

    • ITZULI
  • 16:21 gutxi gora-behera tren irteera . Renfe C3 URDUÑAtik , BILBAO-ABANDO geralekura (47 min).

    • Bestelako oharrak

  • Zailtasun ertaineko ibilbidea da, une oro harrizko eta lokatzezko pista batean gora eta zuhaitz artean doana, GR-284 eta GR284.1 ibilbideak jarraituz.
  • Distantzia ertaineko igoera da (5,4km), maldatsua, eta beraz, antzeko igoeretan ohituta egon behar dute partaideek (adibidez, Bilboko Pagasarri mendira igoerak, antz handia dauka, behekaldetik hasita).

    • KONTUAN IZAN

     

    Irten aurretik,
  • 1. Informatu : irakurri arreta handiz informazio-fitxa eta mapa , zure familiari egokitutako ibilbidea den erabakitzeko.
  • 2. Motibazioa: Komentatu zure seme-alabekin ibilbidea , erakutsi argazkiak , emaiezu haurren mapa marraztu eta margotu dezaten.
  • 3. Prestatu motxila: kontuan izan urteko garaia eta egin beharreko jarduera , behar dena. Neguko igoera izango denez, posible da tontorrean elurra topatzea, beraz, eskularruak, txanoa, buff-a etab eramatea gomendagarria litzateke. Oso gomendagarria da txikiek ere beren motxila txikia prestatzea, hamaiketakoarekin

    •  

    Mendian:
  • 4. Familiak zarete zuen seme-alaben arduradunak. Zaindu eta lagundu umeak.
  • 5. Gailurra mendi taldearen antolatzaileek ibilbidea eta jardueraren xehetasunak ezagutzen dituzte. Egin kasu mesedez.
  • 6. Komentatu dituzuen zuen zalantzak edota arazoak zurekin joaten direnekin edo antolatzaileekin.
  • 7. Taldean : ez aurreratu eta ez atzeratu zure kabuz. Batzuetan geldituko gara taldea batzeko, beste batzuetan jateko edo jolasteko.
  • 8. Garbitu : Errespetatu flora eta fauna. Ez bota harririk eta ez atera zarata handirik. Bildu eta eraman zure zaborra.
  • 9. Behatu eta ikasi : kompartitu txikien jakin-mina eta etorri prest gauza berriak ikasteko.
  • 10. Sustatu lagunartekotasuna. Gailurrera iristea polita da baina ez da garrantzitsuena.

    • IZENA EMATEKO

  • Web orri honetan. Pertsona helduak ematen du izena eta lerro berean gehitu seme-alaben edo ardurapeko adingabeen izena. Adibideak : Pirritx Irrizabala + Pupu (5) + Lore (5)

    • Irteerarako izena emateko azken eguna

    24-01-2024

    IZEN EMATEA ITXITA DAGO

    KONTUAN HARTU

    Irten aurretik:

    • 1. Informa zaitez: irakurri ondo ibilbidearen fitxa eta mapa zure familirako ibilbide egokia den ala ez erabakitzeko.
    • 2. Motibazioa sortu: Hitz egin zure umeekin ibilbideari buruz, argazkiak erakutsi, eta eurentzako mapa emon gainean marraztu eta kolorea emon dezaten.
    • 3. Motxila prestatu: urteko sasoia eta jardueraren ezaugarriak kontuan hartu eta behar-beharrezkoak diren gauzak sartu. Umeek euren motxila txikia prestatzea ere komenigarria da.

    Mendian:

    • 4. Gurasoak dira beraien seme-alaben arduradunak: umeek askatasuna behar dute eta euren gurasoak adi egon behar dira.
    • 5. Gailurra Mendi Taldeko kide-antolatzaileek jardueraren nondik norakoak ezaguten dituzte, jarraitu euren orientabide eta aholkuak.
    • 6. Komunika zaitez: Zalantzak galdetu. Arazo edo behar bereziak izanez gero, esan zure ondokoei baita antolatzaileei ere.
    • 7. Taldearekin bat: ez zaitez aurretatu, ezta atzeratu ere. Batzutan taldea biltzeko geldituko gara, bestetan jateko edo jolasteko.
    • 8. Garbi jokatu: Landareak eta animaliak errespetatu. Ez bota harririk. Ez egin zarata haundirik. Zure zaborrak batu eta eraman.
    • 9. Ikusi eta ikasi: umeen jakin-minaz kutsatu eta prest egon elkarrekin gauza berriak ikasteko. Era berean, dakizuna zabaldu.
    • 10. Laguntasuna sustatu. Tontorrera heltzea atsegina da baina ez da inportanteena.