PDF

Auñamendi (2504 m) / Dec de Lhurs (2176 m). Asteburu-pasa Pirinioan

06-09-2024

Lescun bailara ikusgarrian ibiltzeko prestatu dugu asteburu osoko irteera. Bariku arratsaldean irtetzeko asmoa dugu, eta lo egiteko Lauzart kanpinean batuko gara.

Zapatu 7: Auñamendi.

Goizeko 8etan l´Abérouat aterpeko aparkalekutik abiatuko gara  (1425m)GR-10a mendebalderantz jarraituz, gero malda handirik gabeko baso eremu bat zeharkatuko dugu; basoa atzean utzita Cap de la Batch (1689m) etxolara helduko gara, bertan GR-10aren bidea utzi eta hego-mendebalderantz jarraituko dugu malda aldapatsutik karst batean sartu arte. Han, arreta jarri behar da ibilbideari jarraitzeko.

Ondoren, Auñamendi tontor harritsua inguratuko dugu; horretarako pasabide pare bat gainditu behar dira eskuak erabiliz,baina ez dute zailtasun handirik. Azkenik, Hego maldatik Auñamendi tontorrera iritsiko gara oinez (2504 m). Jaitsiera igotzeko bide beretik egingo dugu.

  +/- 1.100m   15 Km  7-8or.  MIDE 4-3-4-4

TRACKA DESKARGATU

Domeka 8: Dec de Lhurs.

Goizeko 8etan abiatuko gara Anapiako parkinetik (1000m), Lhurs-era doan pista jarraituko dugu, gero bidezidor bihurtuko da, eta mendebalderantz igoko gara baso ederrak zeharkatuz eta ia atsedenik gabe Lac de Lhurs-eraino (1700m).

Bertartik, Table eta Dec de Lhurs (1980-m) lotzen duen gandorrera errez igo ahal da, eta, ondoren, ertza jarraituz tontor ondoko haitzetara heldu. Haitz artean kanal erraz batetik igotzen da Dec de Lhurs tontorreraino (2176m). Jaitsiera ibilbide beretik egingo dugu gero.

  +/- 1.200m   15 Km  7-8h  MIDE 4-3-4-4

TRACKA DESKARGATU

EGURALDIAREN IRAGARPENA egunero gaurkoratuta.