Lekanda – Altipitatx – Gorosteta

18-02-2024

 

Lekanda eta Altipitatx tontorrak lotzeko ibilbidea, pagadiak eta karst eremua zeharkatuz Itxinako ekialdeko bazterrean.

Pagomakurreko aparkalekutik (880m) Arrabarako bidea hartuko dugu, eta  kilometro luzetxo bat ibili eta gero beste pista bat  hartuko dugu mendebalderantz, etxe batzuetan amaitzen dena. Hemendik aurrera, bide nabarmenik gabe, Axkorriko terrazak jarraituz, Lekandako ekialdeko ertzaren oinera heldu behar gara. Puntu horretatik, harriak inguratzen duen bidexka bat bilatu behar dugu, tontorretik gertu dagoen ataka txiki batera heltzeko, eta handik tontorrera.  Lekanda 1312m.

Lekandatik  hego-mendebalderantz jaisten da karstetik, Itxinan sartzeko, lehenengoz  Atxausietako pasabidearen bila, eta bertatik haitz eta pagoen arteko bidezidorretik kanpo jarraituko dugu ere pasabide hoberenen bila , Kargalekuko bidezidorrarekin lotu arte (… aukera ona zure ipar-orratzagaz praktikatzeko).

Haitz eta pagoen arteko bidezidorrak aurrera jarraitzen du, eta hainbat leize eta troka inguratzen ditu, horietako batzuk antzinean izotza lortzeko erabiltzen zirenak (Neberak) .

Gorosteta aldera joateko aukera dago, edo, luzatu nahi izanez gero, Itxingoteraino jarraitu ahal da, bertatik malda harritsu batetik Altipitatx 1171m tontorreraino heltzeko.

Itxingotera itzulita  zelai batzuk zeharkatzen dira Gorosteta aldera, eta handik, mandobideko pasalekutik itzuliko gara Arrabara, eta bertatik pista jarraituz, Pagomakurrera.

 


Eguraldi iragarpenaPrevisión METEO egunero gaurkoratuta.

Tracka Deskargatu

DATU TEKNIKOAK
Jarduera mota Egun bakarreko irteera zirkularra oinez.
Kokapena
Metatutako desnibela 875m
Luzera 12 km
Jardueraren iraupenaren aurreikuspena 6 or
Material tekniko beharrezkoa Sasoi honetarako oinetako eta arropa egokiak. Makilak. Frontala. Ura (mapa ta ipar orratza)
MIDE metodoaren araberako zailtasuna (1=erraza, 5=zaila) Ingurumen-arriskuak 4
Orientazio-zailtasuna 4
Ibiltzeko zailtasuna 3
Ahalegin fisikoa 3

Elkartzeko tokia eta ordua

9:30 Pagomakurre.

Ibilbidearen hasiera eta bukaera

Pagomakurre

Bertara joateko

Gure kotxeetan. Idatzi KOMENTARIOTAN ea kotxea behar duzun edo partekatu nahi duzun, nondik joaten zaren, eta zenbat leku libre dituzun. Kotxeak antolatzeko zure kontaktua partekatuko dugu.

Bestelako oharrak

Eguraldia eta taldearen egoeraren arabera, ibilbidea luzatu/laburtu ahal izango dugu. Ibilbidea disfrutatzeko bidezidorretik kanpo ibiltzen ohituta egotea komeni da

Irteerarako izena emateko azken eguna

17-02-2024

IZEN EMATEA ITXITA DAGO