PDF
GAILURRA TXIKI. (Bertan behera geratu da!!) Saldropoko Hezegunea – Otzarretako pagadia – Ugunako ur-jauzia

24-11-2024

Ibilaldi zirraragarria Saldropoko hezegunetik Otzarretako pagadiraino, eta Ugunako ur-jauziaz disfrutatzeko.

ADI: Irteera hau BERTAN BEHERA  geratu da haize-alerta laranjagatik , eta beste egun batean egingo dugu. 


IBILBIDEA

Saldropoko hezeguneko aparkalekuan utziko ditugu kotxeak. Aparkaleku nahiko txikia da, eta egun hauetan jendez gainezka egoten denez, oso garratzitsua da adierazitako ordutegian iristea bertan aparkatu ahal izateko. Inguru bukoliko honetatik hasiko dugu ibilbidea hezegunearen zati bat zeharkatuta, Otzarretako pagadira hurbilduko gara. Bidean atzera begiratuta eta egunak uzten badu, Gorbeiaren gailurra eta Gorbeiako Gurutze enblematikoa ikusiko ditugu.

Otzarretako pagadia baso txikia da, baina izugarrizko magia gordetzen du. Basoan lasai ibiltzeko eta bere magiaz gozatzeko denbora izango dugu eta bide batez argazkiak eta bideoak ateratzeko aukera izango da, bizitza osorako oroigarri bat gordetzeko.

Pagaditik berriro bideari heldu eta Uguna ur-jauzira joango gara, Saldropoko hezegunea berriro zeharkatuta. Bidean, ziurrenik, behiak edota zaldi taldeak ikusiko ditugu, horrek ingurua bereziagoa bihurtzen du. Lur-pista batetik ibiliko gara ur-jauziaren goiko aldera iritsi arte. Hemendik, malda handiko bidexka estu batetik jaitsi ahal da ur-jauziaren oinarriraino iritsi arte.
(Egunaren arabera jaitsiera iristakorra izan ahal da, beraz  bertan aztertuko dugu bidexkaren egoera jaitsiera baloratzeko; izan ere, ikusi ahal izango duzuenez, bidea zaila izan ahal da puntu honetan. Kontuz ibili!).

 

Ur-jauziaren inguruan bazkalduko dugu eta pistatik lasai itzuliko gara Saldropoko aparkalekuan amaitu arte.

IKUSI ETA IKASI

  • Saldropo hiru hektareako hezegune bat da, eta urari lotutako balio ekologiko handiko  landaredia eta espezieak dituen ekosistema berezi bat osatzen du.
  • Gorbeiako Parke Naturalean ibiliko gara, euskal mitologiako istorio ugariren eszenatokia, non lamiak, sorginak eta jentilak protagonista nagusiak diren.
Saldropo_Otzarreta-Uguna
Tracka Deskargatu
DATU TEKNIKOAK
Jarduera mota GAILURRA TXIKI. Familientzako irteera
Kokapena
Metatutako desnibela +140/ -140
Luzera 7 km
Jardueraren iraupenaren aurreikuspena 4o (Gailurra Txiki)
Material tekniko beharrezkoa
  • Jarduerarako eta urte-sasoirako egokiak diren mendiko arropa eta oinetakoak.
  • Edaria eta janaria egun osorako.
  • Txikiek A4 plastikozko zorro batean eraman dezakete mapa , ibilbibearen datuak kontsultatzeko.
    		•
    MIDE metodoaren araberako zailtasuna (1=erraza, 5=zaila) Ingurumen-arriskuak 1
    Orientazio-zailtasuna 1
    Ibiltzeko zailtasuna 3
    Ahalegin fisikoa 1

    Eguraldiaren Iragarpena


    Sakatu iragarpen zehatzagoa ikusteko (meteoblue)

    Elkartzeko tokia eta ordua

    2024ko azaroaren 24an, domeka. 09:30etan. Saldropoko aparkalekuan

    Ibilbidearen hasiera eta bukaera

    Saldropo Aparkalekua (hasiera-amaiera)

    Bertara joateko

    Gure kotxeetan. Idatzi KOMENTARIOTAN ea kotxea behar duzun edo partekatu nahi duzun, eta zenbat leku libre dituzun. Kotxeak antolatzeko zure kontaktua partekatuko dugu.

    Zuzenean Saldropoko aparkalekuan geratuko gara: Saldropo Aparkalekua

    Garrantzitsua da adierazitako orduan iristea, aparkaleku txikia da eta urteko garai honetan jendez gainezka egoten da; beraz, aparkalekua betetzen denean, sarbidea ixten dute.

    Irteerarako izena emateko azken eguna

    20-11-2024

    IZEN EMATEA ITXITA DAGO

    KONTUAN HARTU

    Irten aurretik:

    • 1. Informa zaitez: irakurri ondo ibilbidearen fitxa eta mapa zure familirako ibilbide egokia den ala ez erabakitzeko.
    • 2. Motibazioa sortu: Hitz egin zure umeekin ibilbideari buruz, argazkiak erakutsi, eta eurentzako mapa emon gainean marraztu eta kolorea emon dezaten.
    • 3. Motxila prestatu: urteko sasoia eta jardueraren ezaugarriak kontuan hartu eta behar-beharrezkoak diren gauzak sartu. Umeek euren motxila txikia prestatzea ere komenigarria da.

    Mendian:

    • 4. Gurasoak dira beraien seme-alaben arduradunak: umeek askatasuna behar dute eta euren gurasoak adi egon behar dira.
    • 5. Gailurra Mendi Taldeko kide-antolatzaileek jardueraren nondik norakoak ezaguten dituzte, jarraitu euren orientabide eta aholkuak.
    • 6. Komunika zaitez: Zalantzak galdetu. Arazo edo behar bereziak izanez gero, esan zure ondokoei baita antolatzaileei ere.
    • 7. Taldearekin bat: ez zaitez aurretatu, ezta atzeratu ere. Batzutan taldea biltzeko geldituko gara, bestetan jateko edo jolasteko.
    • 8. Garbi jokatu: Landareak eta animaliak errespetatu. Ez bota harririk. Ez egin zarata haundirik. Zure zaborrak batu eta eraman.
    • 9. Ikusi eta ikasi: umeen jakin-minaz kutsatu eta prest egon elkarrekin gauza berriak ikasteko. Era berean, dakizuna zabaldu.
    • 10. Laguntasuna sustatu. Tontorrera heltzea atsegina da baina ez da inportanteena.