Eretza 887 – Luxar 539
2025-06-21
Ibilbide honetan, Grazal erreka ondoko basoa zeharkatu ostean, Eretza eta Luxar mendien gailurretik ikuspegi zabalak disfrutatzeko aukera izango dugu.
Sodupetik PR-BI 105 jarraituko dugu, eta errepide ondotik 600 metro ibili eta gero, Grazal erreka ondotik igotzen den bidea hartuko dugu artadia zeharkatuz. Lexartza baserrira heldu eta markatutako bidea utziko dugu pistatik jarraitzeko (I) lepo bateraino, bertan aurkituko dugu pisten bidegurutze nabarmena(414m).Ekialderantz eta zetak egiten igotzen den pista hartuko dugu (E) La Berenilla aterperaino, bertan irekita dagoen zatian atsedena har daiteke. Aterpetik azken aldapa igotzea besterik ez da geratzen Eretza tontorrera heltzeko, 887m.Bide beretik jeitsiko gara, aterpetik pasatuz bidegurutzea dagoen leporaino. Lexartzatik itzuli beharrean PR-BI 107 jarraituko dugu Luxar tontorreraino (539m), eta handik gandorratik behera joango gara PRa jarraituz Gueñeseraino, eta Bilborako trena hartzeko.
| DATU TEKNIKOAK | ||||||||
|---|---|---|---|---|---|---|---|---|
| Jarduera mota | Egun bakarreko zeharkaldia oinez. | |||||||
| Metatutako desnibela | +/- 980m | |||||||
| Luzera | 15 km | |||||||
| Denbora ibiltzen | 5:00 h | |||||||
| Material tekniko beharrezkoa | Sasoi honetarako oinetako eta arropa egokiak. Makilak. Frontala. Ura | |||||||
| MIDE metodoaren araberako zailtasuna (1=erraza, 5=zaila) | Ingurumen-arriskuak | 2 |
|---|---|---|
| Orientazio-zailtasuna | 2 | |
| Ibiltzeko zailtasuna | 2 | |
| Ahalegin fisikoa | 3 |
Eguraldiaren Iragarpena
Sakatu iragarpen zehatzagoa ikusteko (meteoblue)
Ibilbidearen hasiera eta bukaera
Sodupe -> Güeñes
Elkartzeko tokia eta ordua
8:00 La Naja - FEVE tren geltokian
(8:15etan irteten da trena)
Bertara joateko
Trenez. FEVE Bilbao-Sodupe
Irteerarako izena emateko azken eguna
2025-06-19