PDF

Tresviso eta Las Agüeras, Hermida haitzartetik

04-11-2023

Azaroaren 4an eta 5ean La Hermida haitzartetik abiatzen diren bi ibilbideak egingo ditugu, Europako Picosen ekialdean.

2023/11/4 – Urdonetik Tresvisora

Argazkia esteka honi esker: https://airepuromendizale.blogspot.com

PN-PE 30 ibilbidea jarraituz igoko gara Urdonetik Tresvisora. Ezinezkoa dirudien arren,Cerrosa kanalean gora doa bidea sigi-saga, betiere parke nazionalaren mugen barruan.

XIX. mendean eraiki zen bidea, Andara eta Tresviso meategietako minerala jaisteko. Harkaitzezko bidexka da, zapaltzeko deserosoa, zabala izan arren alboko amildegi handi bat duena. Beraz, kontuz ibili beharko dugu estropezu ez egiteko. Ibilbide gogorra da, kilometro gutxitan desnibel nabarmena gainditzen baitu.

Gure autoak Urdongo zentral hidroelektrikotik gertu utziko ditugu, N-621 errepide ondoan aparkatuta.
Ibaiaren ondoan hasiko gara (60 m), kareharrizko itsaslabarren artean sartuta, eta bideko errebuelta bakoitzean ikuspegi ederra izango dugu Urdongo amildegiaren handitasunaren gainean, batez ere Pilatoseko balkoitik (650 m).

Tresviso herrian (900m) gazta ta tabernak ditugu, eta behin indarrak berriztutak bide beretik egingo dugu jaitsiera.

** URA: iturria dago Tresvison

[lfh-map][lfh-gpx src=/wp-content/uploads/2023/10/Tresviso.gpx title=”202311-Tresviso” button=true color=blue width=5 ][/lfh-gpx]

2023/11/5 – Las Agüeras eta Hozarco mendien ibilbide mitologikoa.

Hermidako haitzartean aparkatuko ditugu gure autoak, arrantzaleen etxola baten ondoan. Hasieran 10 bat minutuz ibili beharko dugu errepide bazterretik arreta handiz, bidezidorra hasten den lekura iritsi arte.

Ipar-ekialderantz igotzen hasiko gara eroso, herrietarako sarbidea ematen zuen Erdi Aroko bide zaharretik, Naredo ibaiaren ondoan ibiliz eta haren ur-jauziak begi bistan. 30 bat minutu ibili ondoren, bidegurutze batera iritsiko gara, hego-ekialderantz joko dugu gaztainondo baso batean sartzeko.

Eroso jarraituko dugu basoko bidetik, ustekabean gure bidean anjana, ojankano, kuin eta gainerako izaki mitologiko kantabriarrekin topo egingo dugu. Hozarco mendiaren ibilbide mitologikoa da, eta Santa Katalina begiratokian du tontorra (Pica de las Puertas, 758m) Bertatik, eta eguna garbi badago, ikuspegiekin gozatuko dugu.

Bueltarako, Cicera herrirantz joko dugu bide edo pista batetik, hego-ekialderantz. Ibilbidea borobiltzeko Cicera erreka ondotik doan bide labankorra jarraituz helduko gara hasierako arrantzaleen etxolara.

** URA: iturri bat dago Ciceran.

[lfh-map][lfh-gpx src=/wp-content/uploads/2023/10/202311-SantaCatalina.gpx title=”Monte Hozarco” button=true color=blue width=5 ][/lfh-gpx]

Eguraldiaren iragarpena, egunero gaurkoratuta.

OSTATUA

Bejesen egingo dugu lo, La Aldea izeneko aterpean, partekatuko logeletan. Aterpean bertan egingo dugu  larunbateko afaria eta igandeko gosaria ere.

• Prezioa (Lo egin + afaria+ gosaria): 32 € pertsona bakoitzeko.
• Eguerdiko bazkaria norberaren kontu izango da.

Aterpean lo egiteko 14 leku baino ez dago. Beraz, etorri nahi baduzu, ahalik eta azkarren egin erreserba! Gailurraren bazkideek lehentasuna izango dute.

Aterpea betez gero, bigarren ostatua kudeatu dezakegu, inguruko apartamentuetan. Dena dela, kasu honetan prezio desberdina izango daiteke.

Beste aldetik, lo egitearena edo afaltzea zure kontu egin nahi ba duzu ere, esan izena ematean, komentariorako atalean idatziz.