Pico Anayet 2574 / Ibon Estanés

12-09-2026



Aterpean erreserbatutako plazak bete dira jada. Oraindik eman dezakezu izena irteeran parte hartzeko, baina zure kabuz bilatu behar duzu alojamendua.

Asteburuko irteera Piriniotan, Pico de Anayetera igotzeko eta Ibon de Estanes ikusteko. Ideia da ostiralean Candanchun elkartzea eta bertan lo egitea aterpe batean.

Pico de Anayet (2574)

18,6 Km | +1250 m | 7:20 h

Anglaséko aparkalekutik (1375) irtengo gara, Canal Royara sartzen den pistari jarraituz, aterpe zahar batera heldu arte.  Bertatik, eta bide zehatzik gabe, Las Negras sakanatik egingo dugu gora, bere eskuinaldetik, pasabidea mozten duen horma batera iritsi arte. Puntu honetan, sakanaren ezkerraldera pasa behar da, eta bide nabarmenik gabe jarraituko dugu, larre lau batera heldu arte. Hemendik Anayeteko lepora errez igo ahal da, eta lepotik tontorrera doan bide normalari jarraituko diogu, terraza inklinatu batzuk eta kanal labur bat igarota. Batzuetan eskueen laguntzarekin, baina zailtasun handirik gabe (I).

* Ibilbide errazagoa nahiago duenak lepo beretik Vertice de Anayetera (2555) igo daiteke, ipar-ekialdeko ertzea jarraituz.

Lepotik bueltan, Ibones de Anayet-era aldera jaitsiko gara, eta gero Canal Roya-ri jarraituz abiapunturaino itzuliko gara.

Ibones de Estanés

14,5 Km | +675m | 4:30

Sansaneteko aparkalekutik abaituko gara eta Escoureteko bordaraino daraman bidea hartuko dugu. Borda honen ondoan beste bide bat hartu behar dugu Espelungere aldera joateko. Espelungere harana ikusten dugunean, bide aldapatsu bat bilatu behar dugu hegoalderantz. Bidezidor honetatik, eta pas de la echelle igarota Ibón de Estanésera helduko gara.

Ibonetik hegoaldera, Estaneseko pasabidea hartuko dugu jaitsiera hasteko, eta 1650 m aldera, Causiat lepotik Candanchura doan bidea hartuko dugu. Lepo horretara iritsi baino apur bat lehenago, Sansanet basoa zeharkatzen duen bide bat hartu behar dugu abiapuntura itzultzeko

 

ALOJAMENDUA

Candanchun,  aterpetxean. Prezioa 75 €, ostiral eta larunbatean lo egiteagatik, gehi gosariak eta larunbateko afaria

  • Zure lo-zakua /maindirea, eta toallak, ereman behar dituzu.
  • Eguneko pikoteoa norberaren kontura.
  • Prezioa aldatu egin daiteke aterpetxeetan dagoen leku-kopuruaren arabera.

Izena emateko

Aldez aurretik 20 € euroko seinalea pagatu behar da, aterpetxean lekua erreserbatzeko, eta ordainagiria formularioan bertan erantsi behar duzu izena ematean.

Rural Kutxa-Caja Rural de Navarra: ES21 3008 0273 92 2445697325 edo gure lokalean ordaindu.

Gainerakoa bertan ordaintzen da.

Izena emateko azken eguna: irailaren 10a.

Beranduago ere izena eman ahal da, baina ezin dugu ziurtatu aterpetxean leku librerik egongo denik, eta zeuk egin behar izango duzu erreserba.  Ez utzi azken momenturako !!

 

 

GMT-Anayet2026
Tracka Deskargatu
estanes_echelle
Tracka Deskargatu
DATU TEKNIKOAK
Jarduera mota Egun bakarreko irteera zirkularra oinez.
Kokapena
Metatutako desnibela Pico Anayet : +1250 m
Estanés: +675m
Luzera Pico Anayet : 18,5 km
Estanés: 14,5 km
Jardueraren iraupenaren aurreikuspena Pico Anayet : 7:20
Estanés: 4:30
Material tekniko beharrezkoa Sasoi honetarako oinetako eta arropa egokiak. Makilak. Frontala. Ura
MIDE metodoaren araberako zailtasuna (1=erraza, 5=zaila) Ingurumen-arriskuak 4
Orientazio-zailtasuna 3
Ibiltzeko zailtasuna 4
Ahalegin fisikoa 4

Eguraldiaren Iragarpena


Sakatu iragarpen zehatzagoa ikusteko (meteoblue)

Elkartzeko tokia eta ordua

Ostiral arratsaldean,Candanchuko aterpetxean

Ibilbidearen hasiera eta bukaera

- P Anglasé-Canal Roya
- P Sansanet

Bertara joateko

Gure kotxetan. Idatzi KOMENTARIOTAN ea kotxea behar duzun edo partekatu nahi duzun, eta zenbat leku libre dituzun. Kotxeak antolatzeko zure kontaktua partekatuko dugu.

Ikusi nondik joan

Bestelako oharrak

Irteerarako izena emateko azken eguna

10-09-2026

IZEN EMATEA ITXITA DAGO

Parte-hartzaileentzako aholkuak

  1. Jokatu tentuz eta zentzuz; mendizaletasunak (trekkingak, skiak, eskaladak…) berez hainbat arrisku dakartza.
  2. Jaso ezinbesteko argibideak antolatutako jarduerari buruz. Gailurra Mendi Taldeko kideek zalantzak argituko dizkizute.
  3. Kontuan hartu jarduerak dituen zailtasunak eta arriskuak. Izena eman aurretik, hausnartu antolatutako jarduerarako prestatuta ote zauden sikoki zein teknikoki.
  4. Prestatu jarduerarako behar den material teknikoa. Gailurra Mendi Taldeak zenbait material (erraketak, kranpoiak…) ditu alokagai.
  5. Osasun-arazoren bat baduzu, jakinarazi Gailurra Mendiko Taldekideei eta adierazi arazorik izatekotan zein diren hartu beharreko neurriak (botikak, jokabidea, norekin jarri harremanetan…)
  6. Men egin Gailurra Mendi Taldeko kide-antolatzaileen orientabide eta aholkuei, jardueraren nondik norakoak ezaguten dituzte-eta.
  7. Jokatu elkartasunez eta laguntasunez, jardueraren helburua gozatzea da-eta.