Valle de Tena -Mendiko Eskia

Gailurra mendi taldeak antolatu duen jarduera berri baterako deia luzatu nahi dizuegu;

Noiz

Martxoak 17-18

Jarduerak

– Mendi eskia: Eguneko bi ibilbide egiteko asmoa dugu (larunbata, eta igandea)  Ibilbide proposatu batzuen krokisa eta traka bidaliko da interesatuei emailez, norberak aurrez aztertzeko eta prestatzeko. Aurreko egunean batzarra egingo dugu ibilbidearen nondik norakoak komentatzeko, eta eguraldi eta edurraren arabera zehaztuko da ibilbidea.

Mendi eski zeharkaldian parte hartzeko ezinbestekoa:

• Federatua egotea
• +/- 1500 metro eta  S3 zailtasunak dituen ibilbidea egiteko gai izatea
• Norberak bere segurtasun materiala eramatea: Arva, pala, sonda, kutxilak, krampoiak, pioleta, kaskoa,

Lo egiteko

Aterpetxe batean, lo-sakua edo oihalak eraman behar dira

Gosaria eta afaria:  aterpekoa hartuko dugu.

Elkarrekin egingo dugu gosaldu eta afaldu. Bazkaria, hamaiketakoa… bakoitzak bere kontura.

Joan-etorria

Ostiralean abiatuko gara Bilbotik gure kotxe, ibilgailu… propioetan,  eta astean zehar hitz egingo dugu hobeto antolatzeko.

Prezioa

60€ pertsona bakoitzeko. Honen barruan ostatua, 2 afariak eta 2 gosariak daude. Beste guztia  nork bere kontu egin behar du.

Lekuak mugatuak dira, eta Gailurrakideok lehentasuna dugu.

• Lekua hartzeko 10 euroko seinalea aurreratu  behar da izena ematean (hau da aterpetxeak eskatzen duena).  Lokalean bertan egin ahal duzu (martxoak 8) edo weborriaren bidez:  transferentzia bat egin eta  agiria erantsi izena ematean (azken eguna martxoak 12, astelehena )
• Rural Kutxa-Caja Rural de Navarra: ES21 3008 0273 92 2445697325

Norbanako Izen-ematea

azken eguna 2018-03-12 astelehena

Eguraldi txarra aurreikusten da astebururako, beraz, beste batean joango gara.