Nola eskuratu federazio-lizentzia?

Lehenik eta behin, federazio-lizentzia eskuratzeko mendi-talderen bateko bazkidea izan behar duzu. Izan ere, mendi-taldeak egin behar ditu federazio-lizentzia eskuratzeko federazioarekiko tramiteak.

Gailurra mendi-taldeak lizentzia moten berri emango dizugu, hau da, zer-nolako erabilera esparru (Estatuta, Pirineoak, mundua…)  eta estaldura (btt, sky…) dauden aukeran azalduko dizu, eta zure beharren arabera aukeratzen lagunduko dizu.

Informazioa jasotzeko eta tramiteak egiteko bi bide dituzu:

  1. Batetik, gure egoitzara etortzea daukazu; bertan, zeure datuak eman eta ordaindu ahal izango duzu.
  2. Bestetik, urteroko federatua bazara, eta zer-nolako lizentzia gura duzun argi badaukazu, tramiteak e-mailez egitea daukazu. Horretarako, lehenik, e-mailez zeure lizentzia motaren berri eman behar diguzu. Gure konfirmazioa jaso ostean, transferentzia bat egin beharko diguzu kontu korrente honetan, zeure izen-abizenak adieraziz:

Rural Kutxa-Caja Rural de Navarra: 3008 0273 92 2445697325

Gero, bidali guri e-mailez ordainagiria; orduan, zeure lizentzia tramitatzeari ekingo diogu. Ez da tramiterik egingo ordainagiria jaso arte.

Edonola ere, e-mailez zein aurrez aurre, datu hauek eman beharko dizkiguzu zure federazio-lizentzia tramitatzeko: izen-abizenak, NAN-zenbakia, jaiotza-data, helbidea (posta kode eta guzti), telefono-zenbakia eta helbide elektronikoa.