Category / Jardunaldiak

by admin

2018 MENDI JARDUNALDIAK

Azaroaren 7an eta 9an Uribarriko Gailurra Mendi Taldeak antolatutako 27. mendi jardunaldiak izango dira.

azaroak 7 asteazkena

Carlos Soria eskarmentu handiko “zortzimilako” mendizalea entzuteko aukera izango dugu. Munduko tontor altuenetan bizitako abenduren berri emango digu.

azaroak 9 ostirala

Rocio Hurtadok,  A lurte elkarteko koordinatzaileak, “Know before you Go” hitzaldia emango du.

A lurte elkarteak (Canfranc, Huesca) elurra eta elurjauziak ikertzen ditu, eta gure inguruan lehen aldiz eskainiko den hitzaldi hau , Utah Avalanche Center eta American Avalanche Association-eko formakuntza planaren parte da.

  • Saio biak Bidebarrietako liburutegian izango dira, arratsaldeko 19:00etan (mapan ikusi)
  • Sarrera librea da eserlekuak bete arte

Urtero bezala, ekintza hau taldeko bazkideen lanari eskar aurrera atera da, eta bertan parte hartzera eta ondo pasatzera gonbidatzen zaituztegu.

Informazio gehiago behar izan ezkero: http://gailurra.org/

 

 

2017 Mendi Jardunaldiak
by MiT

26. Mendi Jardunaldiak

Azaroaren 8an eta 10ean Gailurra M.Tko jardunaldiak izango dira.  Urtero bezala, ekintza hau taldeko bazkideen lanari eskar aurrera atera da, eta bertan parte hartzera eta ondo pasatzera gonbidatzen zaituztegu; oraingo honetan ere eskarmentuzko eskalatzaileen igoerak eskainiko dizkigu bi saiotan.

azaroak 8   19:00


Eneko eta Iker Pou eskalatzaile euskaldunak entzuteko aukera izango dugu, Kanadako Baffin irlan egindako eskaladen inguruko bizipenak kontatuko dizkigute, bertan Artikon irekitako biderik zailena librean errepikatu dute, bi hilabetez esploratzen eta eskalatzen egon eta gero. Pou anaiek 20 urte baino gehiago daramatzate eskaladan murgilduta eta inoiz baino gogotsu dabiltza.

azaroak 10    19:00


Urrezko itxiera egiteko Silvia Vidal eskalatzaile katalandarra izango dugu. Hau ez da izango gurekin egoten den lehenengo aldia, eta betiko modura lasaitasunez eta patxadaz kontatuko dizkigu bakarkako igoeratan egindako eskalada zailen pasadizo harrigarriak. Berea kirol arloko balentria da, baita arlo pertsonaleko motibaziozko kontua ere.Alaskako bailara  urrun batean izandako bizipenak kontatuko dizkigu, bertan bide bat ireki du, bakarrik, kanpoko laguntzarik gabe,  irratirik gabe eta telefonorik… gaur egun ezohiko konpromesu eta estiloan.

 

  • Saio biak Bidebarrietako liburutegian izango dira, arratsaldeko 19:00etan (mapan ikusi)
  • Sarrera librea da eserlekuak bete arte

  KARTELA

Jardunaldiak egiteko lekua urtero uzteagatik eskerrak eman nahi dizkiogu Bidebarrieta Kuturgunea /Bidebarrieta Liburutegiari