MENDI JARDUNALDIAK 2020


Aurten aire zabalean disfrutatuko ditugu jardunaldiak Uribarri auzoan bertan, eta modu berezian… entxuferik erabili gabe, proiekziorako behar den argindarra  bizikletaren pedaleoari esker lortuko dugu.

Hau da ZINEZIKLETA !!!

Urriak 1, osteguna

CINECICLETA A TRAVES DE AFRICA

Afrikatik egindako bidaia zoragarria, urte eta erdi pedaletan; Carmelo eta Isa espedizio honetatik gidatuko gaituzte, paisaia, kultura eta jende desberdinak aurkeztuz, kontatuko digute nola garraiatu zuten urruneko lekuetara, inoiz iritsi gabeko zinemaren magia, entxufe barik.

Isa eta Carmelok Afrikako zeharkaldian erabilitako zinezikleta bera erabiliko dugu geuk orain jardunaldiak ikusi eta entzuteko, bi egunetan txandaka pedalei eraginez.


HARRIA HERRIA

Dimegaz Kultur Elkarteko  laburmetraia. Gure musika eta kultura, dantza bertikala eta harriarekin uztartzen dira energia eta edertasunez beteriko minututan. Janire Etxabe egongo da gurekin, ekimenaren sustatzailea eta protagonistetako bat .

Urriak 2, ostirala

SINCRONIA MÁGICA, Silvia Vidal

Silviaren bisita izango dugu berriro, oraingoan bere azken espedizioa kontatzeko; Patagoniako Cerro Chileno Granden bakarkako bidea ireki du “Sincronía Mágica”(1180m,A3+/6a+), mendi honen lehen igoera da mendebaldeko hormatik. Bere estiloari leial, bakarrik eta komunikazio barik, hilabete eta erdiz, baldintza metereologiko txarrak gaindituz, eta material astuna garraiatuz igo du zailtasun handiko horma hau.

Lekua eta ordua

  • 20:00 Uribarriko Eskolen Landan 
  • (euria izanez gero, Harritxoen Landan dagoen estalitako kantxan) mapan ikusi

Sarrera librea izango da eserlekuak bete arte, eta nahi duenak ahal izango du Zinizekleta gainean pedaleatu guztiok ikus dezagun pelikula.

Ekintza hau Mendi taldeko kideen lanari esker egingo da, parte hartzera eta berriro ere topagune hau partekatzera gonbidatzen zaituztegu.

2020-09-19 IZAN BIDEA

-

Datorren irailaren 19an, “Izan Bidea” dinamikaren barruan, Bilbo zeharkatuko dugu Botxo inguratzen duten mendietatik. Auzoka egingo dugu, auzo bakoitzak buelta horren zati bat egingo du eta lekukoa hurrengo auzora pasatuko du, buelta osatu arte, 32.5 km dira, 7 zatitan banatuta. Hau guztia euskal preso eta exiliatuak etxeratzea eskatzeko eta Euskal Herriko bizikidetza eta bakearen alde.

-

HITZORDUA: FUNIKULAR PLAZA 10:00

-

Ikusi deialdiaren testu osoa

Asteburu-pasa Piriniotan (Villanúa)

Helburua asteburua pasatzea da, lagunen artean, bidaia, ostatua eta hainbat ekintza partekatzea.

Villanuara joango gara, Aragoiko bailaran, Candanchu eski estazioa eta Jaca artean. Inguruan iraupen-eskia, alpinoa eta mendiko eskia egiteko aukera dago; elur nahikorik ez balego, mendi ibilbide errazak egin litezke bailararen behealdean. Norbera arduratuko da haren nahien eta gaitasunen araberako jarduerak prestatzeaz. Gailurrak egonaldia antolatuko du.

Data

Martxoaren 6-7-8

Bidaia

Ostiral arratsaldean irtengo gara Bilbotik, eta aste horretan bertan antolatuko gara gure kotxeak partekatzeko.

Egonaldia

Villanuako Tritón aterpean egingo dugu; prezioa 45 euro izango da, ondokoa barne:

  • Ostiral eta larunbatean lo egitea
  • Larunbateko gosaria eta afaria
  • Igandeko gosaria

Gainerakoa norberak eraman behar izango du. Lo egiteko literak daude betegarri nordikoarekin, sabana zakua eraman behar da.

Materiala

Ezinbestekoa da arropa egokia eramatea, baita norberak egin nahi duen neguko jarduetarako segurtasun-materiala.

Gomendagarria da bainu-jantzia, igerilekurako txankletak eta txanoa eramatea, Jacako igerileku eta spara joateko aukera baitago.

Zure jarduera prestatzeko erabilgarri gerta litezkeen loturak

MAPA online Ikusi
Mendi-eski ibilbideak pirineos-pyrenees.eu
Info nieve y avalanchas Valle de Aragón
Meteo Somport (5 dias) 
– Webcams:  Astún eta Candanchú

Izen ematea

  • Web orri honetan bertan, pertsona bakoitzeko formulario bana bete behar da.
  • Pertsonako 10 euroko diru-sarrera egin behar da aurrez, eta ordainagiria erantsi behar duzu formularioan.

    RuralKutxa-caja Rural de Navarra: ES21 3008 0273 92 2445697325

  • Iruzkinen atalean esan kotxea duzun, eta zenbat plaza parteka ditzakezun, edo nonorekin joateko asmoa duzun.
  • Izena emateko azken eguna martxoaren 2a izango da. 20 plaza daude, eta Gailurrakideek lehentasuna dute; beraz, azkar apuntatu.






...


baiez

...


baiez

...


...

...

Bete ezazu dena, mesedez

2020 Egutegia



Mendi irteera edo ekintzaren bat antolatu nahi baduzu bete beheko fitxa eta eta harremanetan jarriko gara prestatzeko.
Kontuan hartu beste proposamenak eta saiatu egun ezberdinak aukeratzen, ahal ba da.

Irteera edo jarduera bat antolatu nahi dut: 

Jarduera Mota:




Oroimen Eguna – Besaide

ORIXOL Mendizale Elkarteak antolatuta: 

 

 

1955. urtetik, hutsik egin gabe, Betsaide tontorrean mendi istripuz utzi gaituzten euskal mendizale lagunak agurtzen ditugu. Aurten ere, Irailak 15ean Betsaiden bilduko gara asmo berdinarekin

EGITARAUA:

11:00tan Oroimen ekitaldi zibila

11:30tan Omenaldia:

* Lehendakariaren hitzaldia

* Monumentua babesteko ekitaldia

– Goizean zehar bertsolari, dantzari, txistulari, trikitilari eta txalapartariak arituko dira

– TXOSNA egongo da jan eta edanarekin

 

Orientazio Tailerra eta Mendi-ibilbidea. Ubidea
2019-06-29 / 30

Mapak irakurtzen ikasteko, eta ipar orratza erabiltzen trebatzeko asteburua prestatu dugu.

Asteburu osoko jarduera da,  baina nahi izanez gero, aukera duzu egun bakar batean parte hartzeko.
Zapatuan: Orientazio Tailerra. Teoria eta praktika aire zabalean tartekatuta.
Domekan: Orientazio Ibilbidea Mendian. Mapa eta ipar-orratza erabiliz
Tailerrerako eta zapatuan lo egiteko BMFaren aterpea dugu (16 leku).

Hau da programazioa:

Zapatuan: Orientazio Tailerra

10:30etan aurkezpena
Goizean Mapekin arituko gara: Mapa motak, Eskalak, Koordenadak, Sestra kurbak eta erliebearen irudikapena.
Arratsaldean Ipar Orratzarekin arituko gara.
20:00etan Guztion artean afaria prestatu.

Domekan: Orientazio ibilbidea mendian   

 

Mapa eta iparorratza erabiliz  egiteko ibilbidea prestatu dugu : Distantzia 13 Km . Desnibela +/-600 m

Ibilbidea bidezidorretatik doa baina zenbait lekutan basoa zeharkatuz eta bide barik ibili behar da.

Irtetzerakoan jasoko dituzue ibilbidearen mapa eta txartela. Mapan ibilbidea osatzeko pasa behar diren puntuak zehaztuta daude. Mendian baliza bana topatuko duzue puntu horietan, kode bat idatzita duena, eta kode hori apunta behar duzue zuen txartelan, bertatik pasa zaretela egiaztatzeko.

Mapa eta Ipar-orratza erabiltzen trebatzea da gure helburua, beraz GPSa eta mobila ez duzue erabili behar.

Irteera tartekatua izango da, danok elkarrekin ez joateko, eta bikoteka abiatuko gara (dakizuena konpartitzeko modu ona).

Ikasteko eta trebatzeko jardunaldia da, beraz ez da denborarik neurtuko ezta sailkapenik egingo.  Ezer gutxi baldin badakizu gure laguntza izango duzu ikasten hasteko, ez da behar-beharrezkoa ibilbide osoa egitea.

Ordutegia
8:30etan Aurkezpena aterpetxean. Ezinbeztekoa. Ibilbidearen eta jardunaldiaren inguruko argibideak emango dira.
9etatik 10etara Mapa banatzea eta irteera tartekatua . Beste bikoteak abiatzen diren tartean aukera izango duzue ipar-orratzaren erabilerari buruz lau gauzatxo galdetzeko behar izanez gero. Bertan egongo gara laguntzeko.
15:00etan Ibilbidearen itxiera aterpetxean. Bokata jan eta gero denbora izango dugu ibilbidearen gora-beherak eta sortu diren zalantza guztiak komentatzeko.

Beharrezko materiala

  • Papera eta boli
  • Mendirako arropa eta zapatak. Basoan zehar eta bide barik ibiltzeko egokiak.
  • Ipar-orratza, base gardena duena gomendatzen dugu

*Ipar-orratzik ez duzu eta zein erosi ez dakizu?  dokumentu honetan azaltzen dira kontuan hartu behar dituzun ezaugarri garrantzitsuenak
Iparorratza-Eus.pdf

Non eta Noiz hasiko gara

Olalde aterpetxean, Ubidean. (ikusi mapa batean)
Zapatuan 10:30etan
Domekan 8:30etan
Nola heldu
Kotxe partikularretan: Telefono eta wassapen bidez saiatuko gara lotzen kotxeak konpartitzeko
Bizkaibus 3925 Bilbao-Ubidea: Bilbao Abandotik irtetzen da goizeko 6:45etan eta 8:45etan. Ordu bat t’erdi emoten du Ubideraino.

Zapaturako afaria eta alojamendua

BMFren Olalde aterpetxea dugu. Lekua mugatua denez Gailurrakide eta Federatuen lehentasuna kontuan hartuko da. Dena den ostegunean baieztatuko dugu izen-zerrenda, eta emailez abisatuko dugu.

Aterpean lo egiteko maindire edo saku fina beharrezkoa da eta zeuk ekarri behar duzu, baita barruan egoteko zapata garbiak ere.

Afaria elkarrekin prestatuko dugu, eta menua astean zehar zehaztuko dugu. Jateko ezer berezirik behar baduzu aipatu izena ematean mesedez. Gosaria eta pikoteoa norberak eraman behar du nahi duena.

Aterpea + afariaren prezioa 15-20 euro/pertsonako izango da (jende kopuru eta afariaren arabera) eta zapatuan bertan pagako da aterpetxean.

Izena emateko

ADI: BERTAN BEHERA UTZI BEHAR IZAN DUGU  JARDUERA HAU…MOMENTUZ EZ DAKIGU EA BESTE EGUNEN BATEAN  EGINGO DUGUN.

🙁

2019/02/16-17 Payolle. SKI Piriniotan

Badator eskiatzeko irteera desiratua!, Prestatu zure ekipoa!
Aurten Frantziako Piriniotara joango gara, eta aukeratu dugun lekua
Payollé izan da:

Noiz

Otsailak 16-17

Jarduerak

Ipar-eski,  eta mendi-eski ibilbideak egiteko leku egokia da.
Norberak hartu behar du ardura bere ibilbideak prestatzeko.

Lo egiteko eta afaltzeko

Gailurrak hartuko dituen apartamentuetan egingo dugu lo.  Beharrezkoa da maindirea, lo -zakua eta toailak eramatea.
Gosariak eta zapatuko afaria elkarrekin egingo dugu eta Gailurrak eramango ditu . Barikuko afaria, eguneko bazkariak eta  hamaiketakoak… bakoitzak bere kontura.

Joan-etorria

Gure kotxe, ibilgailu… propioetan egingo dugu. Bilbotik ostiralean abiatuko gara eta astean zehar hitz egingo dugu hobeto antolatzeko.

Prezioa

Irteeraren prezioa 50€ pertsona bakoitzeko da. Honen barruan ostatua,  afari 1 eta 2 gosariak daude, beste guztia norberarene kontura da. Prezio hau apur bat aldatu ahal da pertsona kopuruaren arabera.
Lekuak mugatuak dira, eta Gailurrakideok lehentasuna dugu.

Materiala

Neguko jarduetarako arropa egokia eta segurtasun materiala eraman behar da.
Gomendagarria da ere bainujantzia, txankletak eta igerilekurako txanoa eramatea, bainuetxe batera joateko aukera dago eta.

Loturak

Payolle eta inguruko Informazio orokorra

Eguraldi aurreikuspena

Elurjauzi  boletina

Norbanako Izen-ematea

Izena emateko

– Lokalaean bertan , otsailak  7an. (eguena)

– Formulario honen bidez.  10€ ko ordainagiria erantsi behar duzu erreserba lotzeko.

Rural Kutxa-Caja Rural de Navarra: ES21 3008 0273 92 2445697325

Azken eguna: Otsailak 7

  • DAGOENEKO EZ DAGO LEKURIK.

2019-02-13 Hitzaldia:
Larrialdietarako komunikazioa mendian

 

EGUNA: Otsailak 13 asteazkena

ORDUA: 19:00

LEKUA: Auzofactory Matiko

Matiko Kalea 6, Bilbo   Mapan ikusi 

SARRERA LIBREA LEKUAK BETE ARTE.

 

LARRIALDIETARAKO KOMUNIKAZIOA MENDIAN
Nola komunikatu mendian telefono mugikorra funtzionatzen ez duenean.

Naturan gertatzen diren istripuen aurreikuspen eta segurtasunari buruz hitz egingo dugu, eta horren inguruan irrati bidezko komunikazio estrategia batzuk aurkeztuko dira hitzaldi honetan.

Telefono mugikorra,  emisora,  eta beste  komunikazio gailuen alde onak eta txarrak azalduko dira . Bestaldetik estatu mailako PMR 7-7 kanala ekimenaren berri izango dugu. Ekimen honen helburua irrati gailu pertsonalen (PMR) erabilpena zabaltzea da, mendiko larrialdi kasuetan komunikazioak errazteko, eta  PMR gailu hauek  erabiltzen irakatsiko da hitzaldian. PMR gailuak  merkeak  dira, erabiltzeko errazak,  eta ez da lizentziarik behar ia Europa osoan.

Guztira 90 minutu inguruko iraupena izango du hitzaldia eta osteko solasaldia, eta teknologi eta larrialdi adituak izango ditugu hizlari.

HIZLARIAK:

Ander Izquierdo. Ingeniari informatikoa. Irratizalea.

Axier Báez. Teknikari informatikoa. Irratizalea.

Sendoa Ballesteros. Erizaina. Larrialdietan aditua. Osasun publikoan doktore.